راولپنڈی(این این آئی) پاک فوج کے ترجمان میجر جنرل آصف غفور نے کہاہے کہ بھارت نے ہمارے چار ٹھکانے ٹارگٹ کیے ہم نے انکے چھ مقام ٹارگٹ کئے۔ بدھ کو ڈی جی آئی ایس پی آر نے پریس کانفرنس کے بعد میڈیا سے غیر رسمی گفتگو کرتے ہوئے کہاکہ بھارت نے ہمارے چار ٹھکانے ٹارگٹ کیے ہم نے انکے چھ مقام ٹارگٹ کئے۔ انہوں نے کہاکہ جے ایف سیونٹین تھنڈر طیاروں نے چھ ٹارگٹ کیے،پاکستان ایک زمہ دار ریاست ہے،

ہم نے سرحد پار نہیں کی۔ہم نے لاک ٹارگٹ کو نشانہ نہیں بنایا بلکہ کھلے علاقے میں فائر کئے۔ انہوں نے کہاکہ بھارتی جہاز پیر گلی کے علاقے میں گرا، بھارت کاپائلٹ گرفتار ہے۔ انہوں نے کہا کہ پائلٹ کے ساتھ مہذب سلوک کیا جارہا ہے ۔ انہوں نے کہاکہ بھارتی زخمی پائلٹ کو سی ایم ایچ منتقل کیاگیا۔ انہوں نے کہا کہ پاک فضائیہ نے بھمبر گلی کے جی ٹاپ اور ناریان کے علاقے میں ٹارگٹ کو نشانہ بنایا ۔

موضوعات:میجر جنرل آصف غفور