آندھرا پردیش (مانیٹرنگ ڈیسک) کورونا بیماری میں مبتلا پچاس سالہ شخص کو تڑپتے دیکھ کر بیٹی سے رہا نہ گیا، اپنے باپ کو پانی پلانے کے لئے دوڑ پڑی۔ نجی ٹی وی کی رپورٹ کے مطابق اس لڑکی کی ویڈیو سوشل میڈیا پر وائرل ہے اور یہ افسوسناک واقعہ بھارتی ریاست آندھرا پردیش کے شہر شری کاکولام میں سامنے آیا، پچاس سالہ شخص کی کورونا رپورٹ مثبت آنے پر اسے اہل علاقہ کی جانب سے گھر میں رہنے
کی اجازت نہ دی گئی اور اسے کہا گیا کہ کھیتوں کے قریب بنے ایک ہٹ میں رہائش اختیار کرے، جہاں اس کی حالت غیر ہو گئی اور وہ زمین پر تڑپنے لگا، باپ کو تڑپتا دیکھ کر سترہ سالہ بیٹی سے رہا نہ گیا اور وہ اپنے باپ کو پانی پلانے کے لئے دوڑ پڑی لیکن وبائی مرض کے خوف کی وجہ سے اس کی ماں نے اسے زبردستی اپنے باپ کے پاس جانے سے روک دیا اور لڑکی اپنے باپ کو تڑپتا دیکھتی رہ گئی۔
