لکھنئو( آن لائن ) بھارتی ریاست لکھنئو میں بھارتی شہریتی ترمیمی ایکٹ سی اے اے کے حق میں منعقدہ جلسے سے خطاب کرتے ہوئے مرکزی وزیر داخلہ امیت شاہ نے کانگریس سماج وادی پارٹی ، ٹی ایم سی اور دیگر اپوزیشن جماعتوں کو مخاطب کرتے ہوئے چیلنج کیا کہ وہ یہ ثابت کریں کہ نئی قانون سازی کے ذریعے کسی شخص کو بھارتی شہریت سے محروم کردیاگیا ہے بھارتی میڈیا کے مطابقریلی سے خطاب کرتے ہوئے امیت شاہ نے تمام اپوزیشن لیڈروں کو ان کے ساتھ کھلی بحث کرنے کا چیلنج بھی کیا انہوں نے تمام اپوزیشن پارٹیز سی
اے اے کیخلاف مطالبات اور احتجاج کو سیاسی پروپیگنڈا قرار دے دیا اور الزام عائد کیا کہ سی اے اے مخالف جماعتیں لوگوں میں وہم و فریب پھیلا رہی ہیں انہوں نے کہا کہ میں نے یہ بل لوک سبھا میں پیش کیا ہے میں اپوزیشن سے کہتا ہوں آپ اس بل پر عوامی سطح پر تبادلہ خیال کریں اور اگر یہ کسی بھی شخص کی شہریت لے سکتا ہے تو ثابت کریں شاہ نے یہ بھی اعلان کیا کہ اپوزیشن جماعتیں سی اے اے کیخلاف جتنا مرضی احتجاج کرسکتی ہیں کریں لیکن حکومت نئے قانون کو ختم نہیں کرے گی انہوں نے مزید کہا کہ چاہے کوئی بھی احتجاج کرے اس قانون کو واپس نہیں لیا جائے گا ۔