اسلام آباد (مانیٹرنگ ڈیسک)عمران خان سے کیوں ملاقات کی ؟ بھارتی میڈیا نے پاکستان دشمنی میں اپنے ہائی کمشنر کو بھی نہ بخشا۔تفصیلات کے مطابق بھارتی میڈیا نے الزام عائد کیا کہ پاکستان بھارت میں دہشت گردی کروارہا ہےجبکہ ہمارے ہائی کمشنر پاکستان کے متوقع وزیراعظم عمران خان کو ان کی رہائش گاہ پر جا کر ’’بلا‘‘ تحفے میں دے رہے ہیں۔ کیا ہائی کمشنر کو ہمارے شہدا یاد نہیں آئے ؟
بھارتی میڈیا نے اپنے ہی ہائی کشمنر اور ڈپٹی ہائی کمشنر کو آڑے ہاتھوں لیا اور کہا کہ پاکستان کے متوقع وزیراعظم عمران خان کی کابینہ میں ایسے لوگ بھی شامل ہیں جو بہت انتہا پسند ہیں۔ بھارتی میڈیا نےعمران خان پربھی الزام عائد کیا کہ انہوں نے اپنی پہلی تقریر میں جہاں مذاکرات کی بات کی وہیں پر کشمیر میں انسانی حقوق کی پامالیوں اور دہشت گردی کا تذکرہ بھی کیا۔واضح رہے کہ گزشتہ روز بھارتی ہائی کمشنر نے بنی گالہ جاکر عمران خان سے ملاقات کی اور تحفے میں انہیں بھارتی کرکٹرز کے سائن والے بیٹ کا تحفہ دیا۔
