اسلام آباد (نیوز ڈیسک) حکومتِ پنجاب نے میٹرک کے امتحانات میں ناکام یا سپلیمنٹری آنے والے طلبہ کے لیے ایک اہم سہولت متعارف کرا دی ہے جس کے تحت وہ اب فنی اور ہنر مند کورسز میں بغیر فیس داخلہ لے سکتے ہیں۔
ذرائع کے مطابق تعلیمی سال 2024-25 کے وہ طلبہ جو امتحانات میں کامیاب نہ ہوسکے یا جنہیں سپلیمنٹری دینا ہے، انہیں آن لائن رجسٹریشن کی سہولت فراہم کی گئی ہے تاکہ وہ اس پروگرام سے فائدہ اٹھا سکیں۔یہ منصوبہ اسکلز ڈیولپمنٹ اینڈ انٹرپرینیورشپ ڈیپارٹمنٹ کی نگرانی میں شروع کیا گیا ہے جس کا بنیادی مقصد نوجوانوں کو عملی مہارتیں سکھا کر انہیں روزگار کے قابل بنانا اور بے روزگاری میں کمی لانا ہے۔اس حوالے سے صوبے کے تمام تعلیمی بورڈز کو باقاعدہ ہدایات جاری کر دی گئی ہیں تاکہ متعلقہ طلبہ کو آگاہ کیا جائے اور زیادہ سے زیادہ نوجوان اس پروگرام میں شامل ہو کر مفت فنی تعلیم حاصل کر سکیں۔
