اسلام آباد (مانیٹرنگ ڈیسک) ملتان میٹرو منصوبے میں خورد برد کی خبریں بے بنیاد ہیں اور اس سلسلے میں ایسی غلط اور بے بنیاد خبریں ایک سوچے سمجھے منصوبے کے تحت پھیلائی گئیں۔ چینی حکومت نے اس سلسلے میں ایک واضح پیغام دیا ہے کہ چینی کمپنی نے منی لانڈرنگ چھپانے کے لئے جعلی کاغذات تیار کئے ہیں لیکن اس کا ملتان میٹرو پراجیکٹ سے کوئی واسطہ نہیں لوگ اس سے بے خبر ہیں ایسے ہی بے خبر لوگوں میں ایک سینئر صحافی شاہین صہبائی ہیں

جنہوں نے جب اس معاملے میں چینی سفیر سے پوچھا کہ کیا آپ بتا سکتے ہیں کہ آپ نے شہباز شریف کے حق میں ٹویٹ کس لئے کئے جبکہ آپ کی حکومت ملتان میٹرو بس پراجیکٹ کی تفتیش کر رہی ہے۔ صحافی شاہین صہبائی کے سوال نے چینی سفیر کو بھڑکا دیا جس پر چینی سفیر نے کہا کہ اگر آپ چینی زبان جانتے تو آپ کو سمجھ آ جاتی، یابیتے ایک سکینڈل تھا اور یہ ملتان میٹرو پراجیکٹ میں نہیں تھا جس پر چینی وزارت خارجہ کی طرف سے بیان کو سوشل میڈیا پر بھی جاری کیا گیا۔

موضوعات:ملتان میٹرو