ممبئی (این این آئی)بالی ووڈاداکارہ پریانکا چوپڑا نے ملائکہ اروڑا اور ارجن کپور کے قریبی تعلقات کی تصدیق کردی ہے۔بھارت کے مشہور ٹی وی شو’کافی ود کرن‘ میں پریانکا چوپڑا اور کرینہ کپور نے شرکت کی جس میں ان سے دیگر اداکاروں سے متعلق کئی سوال کئے گئے۔پریانکا سے ایک سوال کیا گیا کہ ورون دھون کس کے ساتھ ڈیٹ پر جارہے ہیں ؟ جس کے جواب میں پریانکا نے کہا کہ انہیں نہیں معلوم، ہاں البتہ
ملائکہ اور ارجن ضرور ایک ساتھ ہیں۔ پروگرام کے دوران پریانکا نے مزید بتایا کہ ارجن اور ملائکہ کواکثر ایک ساتھ دیکھا گیا ہے جس کی بنا ء پر انہوں نے یہ بات کہی تاہم دونوں اداکار اس معاملے پر خاموشی اختیار کیے ہوئے ہیں۔واضح رہے کہ ملائکہ اروڑا اور ارباز خان کے طلاق کے بعد سے ہی ارجن کپور اور ملائکہ کے قریبی تعلقات کی خبریں گردش کرنے لگی تھیں جنہیں وہ کھل کر بیان نہیں کرتے ہیں۔
