کراچی (شوبز ڈیسک)معروف اداکارہ ماہرہ خان کا کہنا ہے کہ وہ ٹیلی ویژن کو کبھی بھی خیرباد نہیں کہیں گی۔پاکستانی سنیما کے بعد بولی وڈ میں جگہ بنانے والی ماہرہ خان کے مداحوں کو اس بات کی فکر ہے کہ کیا وہ اب ڈراموں میں نظر نہیں آئیں گی تاہم اداکارہ کے مطابق کچھ بہترین ڈراموں نے ان کے کیرئیر کو آگے بڑھایا ہے۔اپنے ایک انٹرویو میں ماہرہ کا کہنا تھا کہ ٹیلی ویژن
ایک ایسی جگہ ہے جس سے وہ کبھی الگ نہیں ہوسکتیں یا دوسرے لفظوں میں وہ ٹیلی ویژن کو کبھی بھی طلاق نہیں دیں گی۔ماہرہ کے مطابق اگر اچھے ڈرامے کی آفر ہوئی تو وہ اسے ضرور قبول کریں گی۔ان کا مزید کہنا تھا کہ ٹیلی ویژن ایک ایسی جگہ ہے جس سے وہ بے حد محبت کرتی ہیں البتہ اس میں کام اس ہی صورت کریں گی جب انہیں کوئی اچھا اسکرپٹ دیا جائے گا۔
