امرتسر(آئی این پی)پاکستان سے گزرے بغیربراہ راست رابطہ،بھارت اورافغانستان نے بڑا فیصلہ کرلیا،ایک ارب ڈالر کی اضافی رقم مختص،دونوں رہنماؤں نے 1ارب ڈالرکی اضافی رقم کو دوطرفہ تعاون کے لئے خاص طور پر استعداد کار میں اضافے ،سکل ڈیویلمپنٹ ،بنیادی ڈھانچے کی تعمیر اور ممکنہ فضائی کوریڈورسمیت کنیکٹوٹی روابط کے لئے متحرک کرنے پر اتفاق کیا ،بھارت اور افغانستان نے دوطرفہ تعلقات کو مزید فروغ دینے اور ا نسداد دہشت گردی کے لئے تعاون کو مزید مضبوط بنانے پر اتفاق کیا ہے ۔

اتوار کو بھارتی میڈیا کے مطابق وزیراعظم نریندر مودی اور افغان صدر ڈاکٹر اشرف غنی کے درمیان دوطرفہ ملاقات ہوئی جس میں سرحد پار دہشت گردی سمیت اہم امور پر تبادلہ خیال کیا گیا ۔دونوں رہنماؤں نے انسداد دہشت گردی کے لئے تعاون کو مزید مضبوط بنانے پر اتفاق کیا ۔ملاقات کے دوران دونوں رہنماؤں نے 1ارب ڈالرکی اضافی رقم کو دوطرفہ تعاون کے لئے خاص طور پر استعداد کار میں اضافے ،سکل ڈیویلمپنٹ ،بنیادی ڈھانچے کی تعمیر اور ممکنہ فضائی کوریڈورسمیت کنیکٹوٹی روابط کے لئے متحرک کرنے پر اتفاق کیا ۔

دونوں رہنماؤں نے بھارت اور افغانستان کے درمیان قریبی اور دوستانہ تعلقات کے مختلف پہلوؤں پر تبادلہ خیال کیا ۔ وزارت خارجہ کے ترجمان وکاس سورب کا کہنا ہے کہ وزیراعظم نریندر مودی اور اشرف غنی نے دونوں ممالک کے درمیان اسٹریٹجک پارٹنر شپ اور دوطرفہ اقتصادی تعاون کو مزید مضبوط کرنے کے حوالے سے حالیہ فیصلوں پر پیش رفت کا جائزہ بھی لیا ۔ دونوں رہنماؤں نے دہشت گردی کے مشترکہ خطرے پر بھی تبادلہ خیال کیا۔دونوں رہنماؤں نے دہشت گردی کے خلاف تعاون کو مضبوط بنانے، اقوام متحدہ اور دیگر متعلقہ فورموں پر تعاون بڑھانے پر اتفاق کیا ۔