اسلام آباد(مانیٹرنگ ڈیسک)صوبہ خیبر پختونخواہ میں اس وقت ڈینگی تیزی سے پھیلتا جارہا ہے اور کئی شہری اس وائرس کا شکار ہو چکے ہیں ۔ایسے میں وزیر اعلیٰ پنجاب شہبازشریف بھی میدان میں کود پڑے ہیں اور انہوں نے اپنے ایک ٹوئٹ میں خیبر پختونخوا کی عوام سے

مخاطب ہوتے ہوئے کہا ہے کہ آپ بھی ہمارے بھائی ہیں ۔پریشان مت ہوں،پنجاب حکومت ڈینگی پر کنٹرول کرنے کیلئے صوبائی حکومت کیساتھ مکمل تعاون کریگی ۔خیبر پختونخواہ کے عوام کی جانب سے اس پیشکش کا خیر مقدم کیا جارہا ہے اور وزیر اعلیٰ پنجاب شہبازشریف کی تعریف کی ہے۔