لاہور( این این آئی)انسداد دہشتگردی کی خصوصی عدالت نے جناح ہائوس حملے سمیت دیگر الزامات کے تحت مختلف مقدمات میں گرفتار تحریک انصاف کے رہنمائوں ڈاکٹر یاسمین راشد،اعجاز چوہدری ،میاں محمود الرشید اور فیشن ڈیزائنر خدیجہ شاہ سمیت 77ملزمان کا پانچ روزہ جسمانی ریمانڈ منظور کر لیا ۔انسداد دہشتگردی کی خصوصی عدالت کی جج عنبر گل نے سماعت کی۔دوران سماعت یاسمین راشد ،میاں محمود الرشید ، اعجاز چوہدری، خدیجہ شاہ اور صنم جاوید سمیت 77ملزمان کو پیش کیا گیا۔
گرفتار ملزمان کے خلاف مختلف مقدمات میں نئی دفعات شامل کی گئی ہیں جس میں پولیس نے مزید تفتیش کے لیے ملزمان کے جسمانی ریمانڈ کی استدعا کی۔عدالت نے ریمارکس دیئے کہ خدیجہ شاہ سمیت دیگر خواتین ملزمان کو جیل میں شامل تفتیش کیا جائے۔عدالت نے ڈ اکٹر یاسمین راشد ،میاں محمود الرشید اور اعجاز چوہدری سمیت77ملزمان کا 5روزہ جسمانی ریمانڈ منظور کرتے ہوئے سماعت ملتوی کر دی۔
