لندن(این این آئی)لندن میں مسلم لیگ (ن) کے قائد نواز شریف کی زیر صدارت پارٹی رہنمائوں کا اجلاس ہوا جس میں الیکشن کی تیاری اور مریم نواز کی وطن واپسی کے حتمی انتظامات پر تبادلہ خیال کیا گیا۔اجلاس میں مریم نواز، رانا ثناء اللہ، سینیٹر افنان اللہ اور سابق سینیٹر چوہدری سعود مجید بھی شریک ہوئے۔نواز شریف سے صحافی نے سوال کیاکہ کے پی اور پنجاب اسمبلیوں کے انتخابات کیلئے مہم آپ لیڈ کریں گے یا مریم نواز؟۔ جس پر سابق وزیراعظم نے کہاکہ آپ سے بہت جلد اس سب پر بات کریں گے۔ایک صحافی نے سوال کیاکہ اہم تعیناتیوں کیلئے کوئی نیوٹرل شخص آجائے تو پی ٹی آئی اس کو متنازع بنادیتی ہے، اس پر کیا کہیں گے؟۔ جس پر قائدمسلم لیگ(ن)نے کہاکہ نیوٹرل شخص کو متنازع بنانا پی ٹی آئی کا منشور ہے۔