اسلام آباد (نیوز ڈیسک) پاکستانی فاسٹ بولر نسیم شاہ نے نیوزی لینڈ کے خلاف دوسرے ون ڈے میچ میں شاندار بیٹنگ کا مظاہرہ کرتے ہوئے ایک نیا ریکارڈ اپنے نام کر لیا۔

ہملٹن میں کھیلے گئے سیریز کے دوسرے میچ میں جہاں پاکستان کی بیٹنگ لائن مشکلات سے دوچار رہی، وہیں نسیم شاہ نے 11ویں نمبر پر بیٹنگ کرتے ہوئے شاندار نصف سنچری اسکور کی۔ انہوں نے ایک روزہ کرکٹ میں 11ویں نمبر پر بیٹنگ کرتے ہوئے دوسرا سب سے بڑا انفرادی اسکور بنانے کا اعزاز حاصل کیا۔

اس سے قبل یہ ریکارڈ محمد عامر کے پاس تھا، جنہوں نے 2016 میں انگلینڈ کے خلاف 58 رنز بنائے تھے۔ تاہم، نسیم شاہ کی یہ عمدہ کارکردگی بھی پاکستان کو شکست سے نہ بچا سکی۔

نیوزی لینڈ نے پاکستان کو 84 رنز سے شکست دے کر سیریز اپنے نام کر لی۔ میزبان ٹیم کے 293 رنز کے ہدف کے تعاقب میں پاکستانی ٹیم 208 رنز پر ڈھیر ہو گئی۔ فہیم اشرف نے 73 جبکہ نسیم شاہ نے 51 رنز کی شاندار اننگز کھیلی، تاہم وہ ٹیم کو کامیابی نہ دلوا سکے۔