اسلام آباد(این این آئی)معاشی تنگی کے سبب سڑک کنارے جلیبیاں بیچنے والے پاکستان کے نوجوان فٹبالر محمد ریاض کو وزیرِ اعظم شہباز شریف نے بلا لیا۔ہنگو میں قومی فٹبالر محمد ریاض کی جلیبیاں بیچنے کی خبر چلائی گئی تھی جس کے بعد اب وزیرِ اعظم شہباز شریف نے فٹبالر کو وزیرِ اعظم ہاؤس بلا لیا ہے۔

محمد ریاض کا کہنا ہے کہ نجی ٹی وی کا مشکور ہوں جس نے ہماری آواز اعلیٰ حکام تک پہنچائی۔ڈپٹی کمشنر ہنگو گوہر زمان کے مطابق وزیرِ اعظم ہاؤس میں شہباز شریف کے ساتھ فٹبالر کی ملاقات ہو گی، ہم نے اس ملاقات کے لیے تمام انتظامات کیے ہیں۔قومی فٹبالر محمد ریاض 2018ء میں ایتھلیٹس کھیلوں پر پابندی کے بعد سے مایوس ہو کر ہنگو بازار میں جلیبیاں بیچنے کا کاروبار کر رہے ہیں۔