لاہور ( این این آئی) پاکستان کرکٹ ٹیم کے کپتان محمد رضوان نے کہاہے کہ فخر زمان کے ساتھ اوپننگ بابراعظم کر لیں گے ، چیمپئنز ٹرافی کے سکواڈ میں فی الحال کوئی تبدیلی نہیں کی جارہی ۔
قومی ٹیم کے کپتان محمد رضوان نے سہہ ملکی سیریز سے قبل پریس کانفرنس سے خطاب کرتے ہوئے کہا کہ چیمپئنز ٹرافی کا اسکواڈ سب کے سامنے ہے، ابھی تک ایسا کچھ نہیں ہے کہ ہم ٹیم میں تبدیلی کررہے ہیں ، ابھی آج (ہفتہ ) کا میچ بھی تو اس سے بھی ٹیم کا انداز ہو جائے گا، فہیم اشرف کی پچھلے دو سال سے 46کی ایوریج سے کھیل رہے ہیں، خوشدل شاہ بہترین فارم میں ہیں ان کی شمولیت پر کسی کو شک نہیں ہونا چاہیے۔ابھی تو قذافی اسٹیڈیم ہمارے لیے بھی نیا ہے، پچ سے کنڈیشن کا اندازہ لگائیں گے۔
محمد رضوان نے فخرزمان کے ساتھ دوسرے اوپنر کے سوال پر جواب دیتے ہوئے کہا کہ کنگ کر لے گا یعنی بابراعظم کرلے گا ، ان کا کہناتھا کہ صائم ایوب ہماری ٹیم کا اہم رکن تھے، ان کی کمی محسوس کریں گے ، ابرار احمد کے ساتھ ہمارے پاس اسپنرز میں سلمان علی آغا اور خوشدل شاہ بھی موجود ہیں ، اسپنر اگر انجرڈ بھی ہو جائے تو میچ کھیل سکتا ہے، اس کی انجری کی نوعیت کم ہوتی ہے۔ان کا کہناتھا کہ چیئرمین پی سی بی نے بھی اسی چیز پر زور دیا جوکہ کھلاڑی اس وقت فارم میں ہیں ، لاہور کے قذافی اسٹیڈیم میں کافی وقت ہوگیا کے میچ نہیں کھیلے، قذافی اسٹیڈیم بالکل نیا ہوگیا ہے، اب کنڈیشن کیسی ہوگی اس کا کھیل کر اندازہ ہوگا۔
خوشدل شاہ پچھلے دوروں میں ٹیم کا حصہ اس لیے نہیں رہے کیوں کہ وہ کنڈیشن ان کو سوٹ نہیں کرتیں، فخر زمان کو جو بیماری بھی تھی ، اس کا ان کو بھی اندازہ نہیں تھا ، ٹیسٹ کروانے بعد فخر کی بیماری کا اندازہ ہوا، فخرزمان ایک میچ ونر ہے جس کا اندازہ سب کو ہے، فخر زمان بیمار تھے اس لیے ٹیم میں نہیں تھے اس کے علاوہ کوئی اور وجہ نہیں تھی۔
