اسلام آباد (این این آئی)چالیس برس پہلے گولڈ میڈل جیتنے والی پاکستان ہاکی ٹیم کے رکن اولمپئن توقیر ڈار نے کہا ہے کہ پاکستان میں بہت سارے ارشد ندیم ہیں مگر اسپورٹس مافیا اْنہیں آگے نہیں آنے دیتا۔اپنے بیان میں توقیر ڈار نے کہا کہ ارشد ندیم کا گولڈ میڈل جیتنا قوم کے لیے خوش آئند ہے، 40 سال بعد میاں چنوں کے سپوت نے پاکستان کو خوشی دی ہے۔

اْنہوں نے کہا کہ ارشد ندیم نے نوجوانوں کو راستہ دکھایا ہے اس پر چل کر کوئی بھی اپنے خواب پورے کر سکتا ہے، سلام ارشد ندیم کی والدہ کو جنہوں نے ایسا سپوت پیدا کیا۔توقیر ڈار نے کہا کہ امید ہے ارشد ندیم اگلے اولمپکس میں بھی پاکستان کی نمائندگی کریں گے۔