نئی دلہی (این این آئی)2 جون سے امریکا اور ویسٹ انڈیز میں ہونے والے ٹی 20 ورلڈ کپ میچز سے قبل بھارتی کرکٹ ٹیم کی نئی جرسی کی نقب کشائی بی سی سی آئی نے پیر کو کی، جس کا خود بھارتی سوشل میڈیا صارفین نے مذاق اڑایا۔اس بار بھارتی کرکٹ ٹیم کی نئی جرسی میں کافی تبدیلی کی گئی ہے، اس بار نیلے اور نارنجی رنگ کو نمایاں کیا گیا ہے۔جوں ہی بھارتی کرکٹ بورڈ (بی سی سی آئی) نے باضابطہ طور پر کھلاڑیوں کی نئی کٹ پہنے ہوئے تصاویر سوشل میڈیا پر پوسٹ کیں تو اس پر میم کا سلسلہ شروع ہوگیا اور صارفین نے مشہور کامیڈی شو ‘تارک مہتا کا الٹا چشمہ’ کی یادیں تازہ کردیں۔ایک سوشل میڈیا صارف نے بھارتی کرکٹ ٹیم کی نئی جرسی کو بھارتی پیٹرولیم کمپنی کی ورکر کے یونیفام سے ملا۔

ایک سوشل میڈیا صارف نے بھارتی کرکٹ ٹیم کی نئی جرسی کو معروف ڈٹرجن سے مماثلت رکھنے پر بی سی سی آئی کو ٹرول کیا اور اچھا گرافک ڈیزائنر رکھنے کا مشورہ دیا جبکہ بیشتر صارفین کی مشہور کامیڈی شو ‘تارک مہتا کا اولٹا چشمہ’ سے جڑی یادیں تازہ ہوگئیں۔واضح رہے کہ ٹی20 ورلڈ کپ 2024 کا ا?غاز یکم جون سے امریکا کے گرینڈ پریری اسٹیڈیم میں ہو رہا ہے اور 29 جون کو فائنل کھیلا جائے گا۔ٹورنامنٹ میں20 ٹیمیں ایک دوسرے کے خلاف 55 میچز کھیلیں گی۔ ٹورنامنٹ کے میچز امریکا کے 3 اور ویسٹ انڈیز کے 6 مقامات پر منعقد ہوں گے۔