لندن(آن لائن)پاکستان فزیکل ڈس ایبلٹی کرکٹ ٹیم کے کپتان سید نہار عالم شاہ نے کہا ہے کہ انگلینڈ کو فزیکل ڈس ایبلٹی ٹی ٹونٹی ورلڈ کرکٹ سیریز کے پہلے میچ میں شکست دیکر ایونٹ کا آغاز فاتحانہ انداز میں کرینگے۔ انہوں نے کہا کہ ان کی ٹیم مکمل طور پر فٹ اور متحد ہے۔ انہوں نے کہا کہ ٹیم انگلینڈ کے خلاف فزیکل ڈس ایبلٹی ٹی
ٹونٹی کرکٹ ورلڈ سیریز کے ابتدائی میچ کیلئے میدان میں اترنے کو بے تاب ہے۔میڈیا سے بات چیت کرتے ہوئے نہار عالم نے کہا کہ انگلینڈ کی ٹیم کو ہوم گرائونڈ کا ایڈوانٹیج ضرور ہوگا تاہم اس سے انکی ٹیم کو کوئی فرق نہیں پڑے گا۔ انہوں نے کہا کہ ابتدائی میچ میں میزبان ٹیم کو شکست دیکر سیریز کا آغاز فاتحانہ انداز میں کریں گے۔
