اسلام آباد(مانیٹرنگ ڈیسک)ورلڈ کپ جیتنے کے بعد پریس کانفرنس کے دوران ایک صحافی کے سوال کا جواب دیتے ہوئے برطانوی کرکٹ ٹیم کے کپتان آئین مورگن نے کہا کہ ” میچ کے دوران لیگ سپنر عادل رشید نے مجھے کہا کہ بے شک اللہ ہمارے ساتھ ہے “۔ ان کا کہناتھا کہ ہماری ٹیم میں ہر نسل اور عقیدے کے لوگ ہیں جنہوں نے اپنے عقائد کے
مطابق مجھے یہ بات کہی ۔انگلش کپتان کا کہناتھا کہ سپر اوور کے دوران میں نے ٹیم کی حوصلہ افزائی کی اور انہیں اس مشکل گھڑی سے لطف اندوز ہونے کا مشورہ دیا ۔میری کوشش تھی کہ کھلاڑیوں کو اعصابی تنائو سے نکال کر ان کے چہروں پر مسکراہٹ لائوں جس پر تمام کھلاڑیوں نے اچھا رد عمل دیا،میگا ایونٹ جیتنا اب بھی ایک خواب لگ رہا ہے۔
