اسلام آباد (این این آئی) قومی احتساب بیورو نے نارووال سپورٹس سٹی میں مبینہ کرپشن کی تحقیقات تیز کر دی ہے ، نیب کی تین رکنی ٹیم نے نارووال سپورٹس سٹی کا دو روزہ دورہ کیا جہاں سپورٹس سٹی میں تعمیر ہونیوالے مختلف گرائونڈز کا جائزہ لیا گیا ۔ ذرائع کے مطابق نیب حکام نارووال سپورٹس سٹی کے ریکارڈ کا بھی
جائزہ لیتے رہے جبکہ گراونڈز اور ہاسٹل کی تعمیر پر مبینہ ہیر پھیر کے معاملے کا بھی نیب نے جائزہ لیا، ذرائع کے مطابق پاکستان سپورٹس بورڈ حکام نے تمام ریکارڈ پر نیب ٹیم کو بریفنگ دی ۔ واضح رہے کہ نارووال سپورٹس سٹی میں مبینہ کرپشن پر نیب سابق وزیر داخلہ احسن اقبال سے پوچھ گچھ کر چکا ہے۔
