لندن(آن لائن)بھارتی میڈیا میں بھی پاکستانی شائقین کے اچھے رویے کی تعریف ہونے لگی۔انگلینڈ میں جاری کرکٹ کے سب سے بڑے میلے میں جہاں پاکستان کی ٹیم اپنی کارکردگی کے باعث توجہ کا مرکز بنی ہوئی ہے وہیں اس ٹیم کے شائقین بھی اپنی دلچسپ
حرکتوں کے باعث سوشل میڈیا پر زیر بحث رہتے ہیں۔بھارتی میڈیا کے مطابق بدھ کے روز کھیلے گئے پاک نیوزی لینڈ میچ کے اختتام پر قومی ٹیم کے شائقین میدان میں موجود نشستوں کی صفائی ستھرائی کرتے ہوئے دکھائی دیے جس کی ویڈیو بھی سوشل میڈیا پر وائرل ہو گئی۔
