لیڈز(این این آئی)انٹرنیشنل کرکٹ کونسل (آئی سی سی) کے زیر اہتمام عالمی کپ کرکٹ ٹورنامنٹ میں پاکستانی کرکٹ ٹیم اپنا آٹھواں میچ (آج)29 جون کو افغانستان کے خلاف لیڈز کے مقام پر کھیلے گی جبکہ نواں میچ بنگلہ دیش کے خلاف 5 جولائی کو لارڈز کے مقام پر کھیلے گی۔پاکستانی وقت کے مطابق دونوں ٹیموں کے درمیان میچ ڈھائی بجے شروع ہوگا۔ واضح رہے کہ میگا ایونٹ کا پہلا سیمی فائنل میچ 9 جولائی کو کھیلا جائیگا، دوسرا
سیمی فائنل میچ 11 جولائی کو کھیلا جائے گا جبکہ میگا ایونٹ کی دو فائنلسٹ ٹیموں کے درمیان 14 جولائی کو لندن میں کھیلا جائیگا۔معروف کرکٹ ویب سائٹ کے مطابق پاکستان ٹیم میں کسی بھی قسم کی تبدیلی متوقع نہیں ہے اور پاکستان کی جانب سے میدان میں اترنے والے گیارہ کھلاڑی یہ ہونگے۔ امام الحق، فخر زمان، بابر اعظم، محمد حفیظ، حارث سہیل، سرفرازاحمد، عماد وسیم، شاداب خان،محمد عامر، وہاب ریاض، شاہین شاہ آفریدی۔
