لاہور( این این آئی )پاکستان کرکٹ بورڈ کے چیئرمین احسان مانی اور مینیجنگ ڈائریکٹر وسیم خان کی تعیناتی کیخلاف دائر درخواست کی سماعت کے دوران پی سی بی کی جانب سے جواب داخل کروا دیا گیا جس پر عدالت نے آئندہ سماعت پر فریقین کے وکلا ء کو دلائل کے لیے طلب کر لیا۔ گزشتہ روز لاہور ہائیکورٹ کے جسٹس مزمل

اختر شبیر نے گورننگ باڈی کے ممبر نعمان بٹ کی درخواست پر سماعت کی ۔درخواست گزار نے موقف اپنایا کہ وسیم خان کی تعیناتی بورڈ ممبران کالعدم قرار دے چکے ہیں ،پی سی بی چیئرمین احسان مانی برطانیہ میں مستقل رہائش کا درجہ رکھتے ہیں۔ استدعا ہے کہ ایم ڈی وسیم خان اور چیئرمین احسان مانی کی تعیناتی کالعدم قرا ردے کر عہدے سے ہٹا جائے۔