لاہور(این این آئی) پاکستان کرکٹ بورڈ کے زیر اہتمام جاری دوسرے ویسٹ زون فضل محمود کلب کرکٹ ٹورنامنٹ کے اہم لیگ میچ میں لاہور یونائیٹڈ کرکٹ کلب نے خضرٰی کلب کو 7وکٹوں سے شکست دیکر ٹورنامنٹ کے سیمی فائنل میں رسائی کے امکانات کو روشن کر لیا ۔ایل سی سی اے گراونڈ میں منعقدہ میچ میں خضرٰی کلب نے پہلے کھیل کر 42اوورز میں تمام وکٹوں کے نقصان پر 180رنز بنائے احسن طارق نے 40، عمیر عباس نے 37اور
عدنان رسول نے 27رنز بنائے احمد سلطان نے 4اور ذیشان علی نے 2وکٹیں حاصل کیں لاہور یونائیٹڈ نے ہدف 32.3اوورز میں 3وکٹوں کے نقصان پر عبور کر لیا باسط علی نے 76ناٹ آوٹ اور احمد سلطان نے 46رنز بنائے ناصر علی عطاری نے 2وکٹیں حاصل کیں شاندار آل راونڈ کارکردگی کی بدولت احمد سلطان مین آف دی میچ قرار پائے جی ایم میڈیا ایل آرسی اے عابد حسین اور صدر ویسٹ زون کرکٹ ایسوسی ایشن سردار نوشاد نے عمدہ کھیل پیش کرنے پر دونوں ٹیموں کی حوصلہ افزائی کی ۔
