لاہور ( این این آئی)پاکستان کرکٹ بورڈ کے زیر اہتمام جاری دوسرے فضل محمود ایسٹ زون کلب کرکٹ ٹورنامنٹ کے دوسرے ناک آوٹ مرحلے کے میچ میں امپیریل کلب نے نیو یونین کلب کو باآسانی 8وکٹوں سے شکست دے دی ۔ایل سی سی اے گراونڈ میں کھیل جانے والے میچ میں نیو یونین کلب نے پہلے کھیل کر 28.3اوورز میں تمام وکٹوں کے نقصان پر 142رنز بنائے حیدر علی نے

57اور حمزہ اسحاق نے 29رنز بنائے ذیشان مغل نے 3، محمد وسیم ، اسامہ اور شاہد خان نے 2،2وکٹیں حاصل کیں امپیریل کلب نے ہدف 21.3اوورز میں 2وکٹوں کے نقصان پر عبور کر لیا شاہد خان 80اور اسامہ 38رنز کے ساتھ ناقابل شکست رہے شاہد خان بہترین کارکردگی پر من آف دی میچ قرار پائے اس فتح کے ساتھ امپیریل کلب نے لیگ مرحلے میں بھی رسائی حاصل کرلی ہے ۔

موضوعات:پاکستان کرکٹ بورڈ