لندن (این این آئی)پاکستان کرکٹ ٹیم کے کپتان سرفراز احمد نے قرات میں بھی اپنی قابلیت کا لوہا منوا لیا۔ایشین ٹرسٹ کے لئے شیڈول فنڈ ریزنگ ایونٹ کے دوران قومی ٹیم کے کپتان سرفراز احمد نے تلاوت قرآن پاک کی، ان کی تلاوت سن کر تقریب میں شریک حاضرین پر رقت طاری ہو گئی۔یہ بات قابل ذکر ہے کہ سرفراز احمد حافظ قرآن ہیں اور انہیں قرات اور نعت رسول مقبول صلی اللہ علیہ والہ وسلم
میں مکمل دسترس حاصل ہے اس سے قبل پاکستان ٹیم تاریخ میں پہلی بار آئی سی سی چیمپئنز ٹرافی جیت کر وطن واپس لوٹی تو اس وقت کے وزیر اعظم محمد نواز شریف نے پوری ٹیم کو پرائم منسٹر ہاس میں دعوت دی تھی، تقریب کے دوران بھی سرفراز احمد نے نعت رسول مقبول صلی اللہ علیہ والہ وسلم پڑھ کر شرکا پر سحر طاری کر دیا تھا۔
