ممبئی (این این آئی)بھارتی کرکٹ بورڈ نے خواتین کے بارے نازیبا کلمات ادا کرنے پر آل راؤنڈر ہاردک پانڈیا اور اوپنر کے ایل راہول پر 20، 20 لاکھ روپے جرمانہ عائد کیا ہے۔بھارتی کرکٹ بورڈ نے دونوں کھلاڑیوں کو ہدایت کی کہ وہ پیراملٹری فورسز کے10 کانسٹبلز کی بیواؤں کو ایک، ایک لاکھ روپے ادا کریں جبکہ 10، 10 لاکھ روپے ملک میں بلائنڈ کرکٹ کے فروغ کے لئے قائم فنڈ میں جمع کرائیں۔بورڈ کا کہنا ہے کہ اگر ان کھلاڑیوں دی

گئی چار ہفتوں کے مہلت کے دوران رقم جمع نہ کرائی تو ان کی میچ فیس سے رقم کی کٹوتی کرلی جائیگی۔واضح رہے کہ دونوں کرکٹرز نے ٹی وی شو ’کافی ود کرن‘ مہمان کی حیثیت سے شرکت کے دوران خواتین کے خلاف نازیبا کلمات کہے تھے جس پر انہیں شدید تنقید کا سامنا کرنا پڑا تھا۔بھارتی کرکٹ بورڈ نے دونوں کرکٹرز کو معطل کردیا تھا جبکہ انہیں آسٹریلیا کے دورے کیلئے ٹیم کا حصہ بھی نہیں بنایا تھا۔