کراچی(این این آئی)پاکستان خواتین کرکٹ ٹیم کی کھلاڑی سدرہ امین نے کہا ہے کہ دورہ جنوبی افریقہ میں کامیابی کیلئے بہت پر امید ہیں، کیمپ میں بھرپور محنت کررہے ہیں، بیٹنگ کوچ تبدیلی سے کوئی فرق نہیں پڑیگا، ویسٹ انڈیز کے خلاف ہوم سیریز میں کامیابی سے ہمارے حوصلے بلند ہوئے ہیں۔نیشنل سٹیڈیم کراچی میں میڈیا سے بات کرتے ہوئے ویمن کرکٹر سدرہ امین نے کہاکہ تمام تر توجہ آئی سی سی ویمن چمپئن شپ پر ہے۔
فاسٹ بولر ڈایانا بیگ کا ان فٹ ہونا بدقسمتی ہے، امید ہے کہ فاطمہ ثناء ان کا خلا پر کرنے میں کامیاب ہوں گی۔سدرا امین نے کہا کہ بیٹنگ کوچ تبدیلی سے کوئی فرق نہیں پڑیگا، ویسٹ انڈیز کے خلاف ہوم سیریز میں کامیابی سے ہمارے حوصلے بلند ہوئے ہیں۔ انہوں نے کہاکہ جنوبی افریقہ کی مشکل کنڈیشن سے جلد ہم آہنگ ہوجائیں گے۔انہوں نے کہاکہ ذاتی طور پراپنی کارکردگی کو مزید بہتر کرنے کی کوشش کر رہی ہوں۔
