لاہور(این این آئی)چیف سلیکٹر 18اپریل کو ورلڈکپ اوردورہ انگلینڈ کیلئے ٹیم کا اعلان کریں گے۔ورلڈکپ قومی کرکٹ ٹیم کے انتخاب کیلئے سلیکشن کمیٹی اجلاس کا شیڈول جاری کر دیا گیا جس کے مطابق کمیٹی کا اجلاس 15، 16اور 17اپریل کو نیشنل کرکٹ اکیڈمی میں ہوگا۔ ذرائع نے بتایاکہ محمد عامرکو ورلڈکپ سے قبل میچز میں اپنی افادیت ثابت کرنا ہوگی۔پی سی بی ذرائع چیئرمین پی سی بی نے 18کھلاڑی انگلینڈ بھجوانے کی منظوری دیدی۔ قومی سلیکشن کمیٹی کھلاڑیوں کے جسمانی ٹیسٹ کی

خود نگرانی کرے گی، مزید 7کھلاڑیوں کوفٹنس ٹیسٹ کیلئے طلب کرنے کا فیصلہ کیا گیا ہے۔اس ضمن میں وہاب ریاض، عمر اکمل، احمد شہزاد، افتخار احمد کو بھی ٹیسٹ کیلئے طلب کرنے پر غور کیا گیا۔ فاسٹ بالر محمد عامر کو ابتدائی اسکواڈ میں شامل کیا جائے گا۔ وہاب ریاض میگا ایونٹ کیلئے مضبوط امیدوار ہوں گے۔عابدعلی، آ صف علی، محمد حسین کو ابتدائی طور پرانگلینڈ بھجوانے کا امکان ہے جبکہ عماد وسیم، محمدحفیظ کو اسکواڈ میں شمولیت کیلئے فٹنس ٹیسٹ کلیئرکرنا ہوگا۔

موضوعات:چیف سلیکٹر