لاہور (این این آئی)آئی سی سی نے ورلڈ کپ سے قبل شیڈول پریکٹس مقابلوں کی ٹکٹیں فروخت کیلئے پیش کردیں۔  آئی سی سی کی جانب سے ورلڈ کپ سے قبل شیڈول وارم اپ میچز کی ٹکٹیں بدھ سے فروخت شروع ہو گئی ہیں، یہ ٹکٹیں آفیشل سائٹ سے خریدی جا سکتی ہیں۔تفصیلات کے مطابق میگا ایونٹ سے قبل مجموعی طور پر 10 وارم اپ میچز 24سے 28مئی تک کھیلے جائیں گے، اس طرح ہر ٹیم مین ایونٹ سے قبل2پریکٹس میچز کھیلے گی۔ان مقابلوں کی میزبانی 4وینیوز برسٹل کاؤنٹی گراؤنڈ، کارڈف ویلز اسٹیڈیم، ہیمپشائر باؤل اور

دی اوول کریں گے۔ ان مقابلوں کو آفیشل ون ڈے اسٹیٹس حاصل نہیں ہوگا، اس لیے ہر ٹیم اپنے15پلیئرز میں سے کسی کو بھی کسی وقت میدان میں اتار سکتی ہے۔ ٹکٹوں کی قیمت بڑوں کیلیے 15 پاؤنڈر اور انڈر 16 کیلیے ایک پاؤنڈ مقرر کی گئی ہے، ٹکٹیں میچ کے روز میزبان وینیو پر بھی موجود ہونگی تاہم وہاں پر خریداری کیلئے 5پاؤنڈز اضافی ادا کرنا ہونگے۔آئی سی سی ورلڈکپ کے منیجنگ ڈائریکٹر اسٹیو ایلورتھی نے کہاکہ ان مقابلوں کی بدولت شائقین کو انٹرنیشنل اسٹارز کو ورلڈ کپ سے قبل ہی ایکشن میں دیکھنے کا موقع میسر آئیگا۔

موضوعات:آئی سی سی