لاہور(این این آئی) جنوبی افریقا کیخلاف آئی سی سی ویمنز چیمپئن شپ سیریز کے لیے پاکستان کی ممکنہ 24 پلیئرز کا انتخاب کرلیا گیا ہے۔حتمی 15 رکنی اسکواڈ کا اعلان 13 اپریل کو کیا جائے گا جب کہ تربیتی کیمپ9 سے 27 اپریل تک ساتھ اینڈ کلب کراچی میں ہوگا۔ عروج ممتاز کی سربراہی میں کام کرنے والی ویمنز سلیکشن کمیٹی نے ممکنہ کرکٹرز کی فہرست میں بسمہ معروف(کپتان)، ایمن انور، عالیہ ریاض، انعم امین، اروب شاہ، ڈیانا بیگ،
فریحہ محمود، فاطمہ ثنا، ارم جاوید، جویریہ رؤف، جویریہ ودود، کائنات حفیظ، کائنات امتیاز، ماہم طارق، منیبہ علی، ناہیدہ خان، نشرا سندھو، ندا ڈار، عمائمہ سہیل، رامین شمیم، صبا نذیر، ثنا میر، سدرا امین اور سدرا نواز کو شامل کیا ہے۔پاکستان ویمنز ٹیم 29 اپریل کو جنوبی افریقہ روانہ ہوگی، 6 سے 30 مئی تک دورہ میں گرین شرٹس آئی سی سی ٹیسٹ چیمپئن شپ کے سلسلے میں 3 ون ڈے کے بعد 5 ٹی ٹوئنٹی میچز بھی کھیلیں گی۔
