لاہور(این این آئی)آسٹریلیا کے ہاتھوں ایک روزہ میچز کی سیریز میں وائٹ واش کا شکار ہونے والی قومی کرکٹ ٹیم وطن واپس پہنچ گئی۔ قومی ٹیم کو آسٹریلیا کے خلاف سیریز میں پانچ صفر کی شکست کا سامنا کرنا پڑا تھا۔قومی ٹیم کے کھلاڑی غیرملکی پرواز ای کے 622کے ذریعے دبئی سے لاہور علامہ اقبال انٹر نیشنل ائیرپورٹ پہنچے ۔اس موقع پرکھلاڑیوں نے میڈیاسے گفتگونہیں کی۔کھلاڑی شائقین کرکٹ اور کیمروں کو بھی

نظر انداز کرتے ہوئے پی سی بی کی گاڑی میں جا کر بیٹھ گئے ۔بعد ازاں کھلاڑی سکیورٹی حصار میں ایئرپورٹ سے روانہ ہوئے۔ وطن واپس پہنچنے والے کھلاڑیوں میں عمر اکمل ، محمد عامر، امام الحق اور عابد علی سمیت قومی ٹیم کے کوچ مکی آرتھر اور ٹیم آفیشل بھی شامل تھے۔واضح رہے کہ قومی کرکٹ ٹیم نے آسٹریلیا کے خلاف پانچ ون ڈے میچز کی سیریز کھیلی اور پانچوں میچز میں شرمناک شکست کا سامنا کرنا پڑا۔