دبئی (یوپی آئی ) قومی فٹبال ٹیم کے 8 کھلاڑیوں کو ارجنٹائن کے ویزے ہونے کے باوجود اےئر پورٹ پر روک لیا گیا ، جگہ کی کمی کے باعث کھلاڑی بے یارو مدد گار دبئی اےئر پورٹ کی مسجد میں سونے پر مجبور ہیں جس سے قومی کھلاڑیوں کو شدید پریشانی کا سامنا ہے۔ میڈیا رپورٹس کے مطابق قومی فٹبال ٹیم کے کھلاڑیوں کو امیگریشن حکام نے روک لیا ہے قومی فٹبال ٹیم کے 8 کھلاڑی ارجنٹائن جا رہے تھے تمام کھلاڑیوں کے پاس ارجنٹائن کے ویزے

موجود ہیں لیکن دبئی اےئر پورٹ حکام کی جانب سے ارجنٹائن کے ویزے منسوخ ہونے کا کہا جا رہا ہے لیکن ارجنٹائن امیگریشن حکام نے ویزوں کی منسوخی سے لاعلمی کا اظہار کیا ہے قومی فٹبال ٹیم کے 8 کھلاڑی اےئر پورٹ پر بے یارومدد گار شدید پریشانی کا شکار ہیں اور جگہ کی کمی کے باعث اےئر پورٹ کی مسجد میں سونے پر مجبور ہیں قومی کھلاڑیوں نے حکومت اور متعلقہ حکام سے نوٹس لے کر مسئلے کے حل کا مطالبہ کیا ہے۔