پشاور(این این آئی)67 ویں نیشنل جونیئر مسٹر و مسٹر پاکستان باڈی بلڈنگ چمپئن شپ کیلئے خیبرپختونخوا کے کھلاڑیوں کا اعلان ، چمپئن شپ (آج)27 فروری سے لاہور میں منعقد ہوگی ، صوبائی باڈی بلڈنگ ایسوسی ایشن کے زیراہتمام خیبرپختوا کھلاڑیوں کی سلیکشن گزشتہ روزچمپئن جیم پشاورمیں منعقد ہوئی جس میں صوبہ بھر سے سوسے زائد تن سازوں نے حصہ لیا ، سلیکشن کمیٹی میں سابق مسٹر ساؤتھ ایشیا و صدر خیبرپختونخواکے پی باڈی بلڈنگ ایسوسی ایشن اعجاز خان ، سیکرٹری محمد اسماعیل
سرپرست اعلیٰ حاجی رحیم خان ، پشاور باڈی بلڈنگ ایسوسی ایشن کے صدر حاجی افتخار ، سیکرٹری تاج محمد ، زین خان ،خورشید خان ، عدیل خان اور ہارون خان شامل تھے جنہوں نے تمام تن سازوں کے ٹرائلز لئے ،ٹرائلز میں جونیئر کیٹگری کیلئے 18 اور سینئر کیلئے 13 کھلاڑیوں کا انتخاب کیاگیا۔چمپئن شپ پاکستان باڈی بلڈنگ فیڈریشن کے زیراہتمام آج لاہور میں شروع ہوگی جس میں جونیئر مسٹر پاکستان ، مسٹر پاکستان ، ماسٹر اور مسٹر فٹنس فزیک باڈی بلڈنگ مقابلے نیشنل سطح پر منعقد ہونگے ۔
