پشاور/کراچی (این این آئی)6 رکنی خیبر پختونخوا آرچری ٹیم قومی آرچری چمپئن شپ میں شرکت کریگی۔ خیبر پختونخوا آرچری ایسوسی ایشن کے سیکرٹری وصال محمد خان کے مطابق خیبر پختونخوا آرچری کی ٹیم 6 کھلاڑیوں پر مشتمل ہے جن میں تین مرد اور تین خواتین کھلاڑی شامل ہیں۔ مرد کھلاڑیوں میں اکبر اعظم، وقاص احمد خلیل اور وقار سعد جبکہ خواتین کھلاڑیوں میں شہناز، مسکن اور ناصرہ شامل ہیں۔

قاضی اسد ٹیم کے ہمراہ بطور منیجر ہونگے۔ انہوں نے کہا کہ 7 ویں قومی آرچری چمپئن شپ 25 فروری سے کراچی میں کھیلی جائے گی۔ انہوں نے کہا کہ ٹیم کا چناؤ میرٹ کی بنیاد پر کیا گیا ہے اور امید ہے کہ خیبر پختونخوا کی ٹیم چمپئن شپ میں شاندار کارکردگی کا مظاہرہ کرے گی۔ سلیکشن کمیٹی میں چیئرمین وصال محمد خان جبکہ دیگر ممبران میں کاشف کان، عمران خان اور مسز بے مثال شامل تھیں۔