دبئی (این این آئی)پاکستان سپر لیگ کے چوتھے ایڈیشن میں ملتان سلطانز کا مقابلہ جمعہ کو کراچی کنگز سے ہوگا ،شعیب ملک ملتان سلطانز کی قیادت کرینگے ۔تفصیلات کے مطابق ملتان سلطانز کا کراچی کنگز کے ساتھ میچ ساڑھے چار بجے شروع ہو گا، کپتان شعیب ملک جیت کیلئے پر عزم ہیں ، جیمز وینس اور آندرے رسل ہلچل مچا دیں گے، شاہد آفریدی کی جاندار انٹری ہو گی جو اپنی سابق ٹیم کراچی کنگز کے خلاف زور بازو دکھائیں گے اور

ملتان سلطانز کو فاتحانہ آغاز دلائیں گے۔ دراز قد محمد عرفان پر بھی شائقین نے نظریں جما لیں ادھر کراچی ٹیم میں ٹی 20 کے نمبر ون بابر اعظم اِن ایکشن ہوں گے، روی بھوپاری اور کولن منرو انٹری کو یادگار بنائیں گے، محمد عامر اور عثمان شنواری کی اپنی جاندار پرفارمنس دکھائیں گے۔ پی ایس ایل فور کے دوسرے روز دوسرا مقابلہ پشاور زلمی اور کوئٹہ گلیڈی ایٹرز کے درمیان شیڈول ہے۔ میچ پاکستانی وقت کے مطابق رات نو بجے شروع ہو گا۔

موضوعات:پاکستان سپر لیگ فور