اسلام آباد (این این آئی)پاکستان سپر لیگ سیزن فور کیلئے افغانستان کے وقار سلام خیل کی جگہ ویسٹ انڈیز کے آندرے فلیچر پشاور زلمی میں شامل کر لئے گئے ۔ جاری بیان کے مطابق برانڈ اور میڈیا ویلیو کے اعتبار سے پاکستان سپر لیگ کی نمبرون فرنچائز پشاور زلمی نے پی ایس ایل فور کے لیے افغانستان کے وقار سلام خیل کی جگہ ویسٹ انڈیز کے آندرے فلیچر کو اسکواڈ میں شامل کرلیا۔ وقار سلام خیل ابتدائی طور پر پشاور زلمی کے اسکواڈ میں موجود تھے تاہم اپنی قومی ٹیم کی
ذمہ داری کی وجہ سے پی ایس ایل میں شریک نہیں ہوسکیں گے جس کے بعد آندرے فلیچر کو ایک بار پھر پشاور زلمی کے اسکواڈ میں شامل کرلیا گیا ۔ فلیچر پی ایس ایل تھری میں زلمی اسکواڈ کا حصہ تھے اور ٹیم کو فائنل تک پہنچانے میں اپنا کردار ادا کیا۔ پشاور زلمی کے چیئرمین جاوید آفریدی اور ہیڈکوچ محمد اکرم نے آندرے فلیچز کو خوش آمدید کہتے ہوئے امید ظاہر کی کہ آندرے فلیچر کی شمولیت سے ٹیم مزید مظبوط ہوگی اور وہ ایک بار پھر اچھی کارکردگی دکھانے میں کامیاب رہیں گے۔
