شارجہ(آئی این پی) متحدہ عرب امارات میں جاری فٹبال ایشین کپ 2019کے مقابلوں میں بحرین نے بھارت کو شکست دے دی ہے جب کہ دوسرے مقابلے میں یو اے ای اور تھائی لینڈ کے درمیان میچ 1-1 گول سے برابر رہا۔بھارت اور بحرین کے درمیان ہوئے میچ میں بحرین نے 91 ویں منٹ میں پنلٹی کیک پر گول کر کے حریف ٹیم پر برتری حاصل کی جو آخر تک برقرار رہی۔حریف ٹیم سے شکست کے بعد بھارت ٹورنامنٹ سے باہر ہوگیا ہے جب

کہ بحرین نے اگلے مرحلے میں رسائی کرلی ہے۔عرب امارات اور تھائی لینڈ کے درمیان کھیلا گیا میچ ایک ایک گول سے برابر رہا اور دونوں ٹیموں نے ٹورنامنٹ کے اگلے مرحلے میں رسائی حاصل کرلی ہے۔تھائی لینڈ، عرب امارات، اور بحرین ایشین فٹبال کپ 2019 کے رانڈ 16 میں پہنچ چکے ہیں۔ ایونٹ میں آج بھی دو میچ کھیلے جائیں گے۔پہلا میچ فلسطین اور اردن کے درمیان کھیلا جائے گا جب کہ دوسرے مقابلے میں آسٹریلیا اور شام کی ٹیموں آمنے سامنے ہوں گی۔