اسلام آباد(این این آئی) اسوا فٹ بال اکیڈمی اسلام آباد کے نوجوان فٹ بالر مصطفی علی چنگیزی نے کہاہے کہ پاکستان فٹ بال فیڈریشن ملک میں گراس روٹ سطح پرفٹ بال کے فروغ کے لئے ٹھوس اقدامات کرے، ان خیالات کا اظہار گذشتہ روز پاکستان سپورٹس کمپلیکس میں

تربیتی کیمپ کے دوران میڈیا سے گفتگو کرتے ہوئے کیا۔ اس موقع پر کوچ محمد صدیق بنگش بھی موجود تھے ،انہوں نے کہا کہ فیڈریشن گراس روٹ سطح پر انڈر۔12 اور انڈر ۔14 ٹورنامنٹس کا انعقاد کرے تاکہ اس سے نیا ٹیلنٹ سامنے آسکے۔ انہوں نے کہا کہ فیڈریشن کو چاہئے کہ انڈر۔12 اور انڈر ۔14 ٹورنامنٹس میں قومی ٹیموں کا چناؤ کرکے تربیتی کیمپ میں تربیت دی جائے اور یہ کھلاڑی 25 سال کی عمر تک ان ٹیموں میں کھیلتے رہیں، مصطفی علی چنگیزی نے کہاکہ حکومت تعلیمی اداروں میں کھیلوں کے انعقاد کو یقینی بنائے جو کہ نا ہونے کے برابر ہے۔ انہوں نے کہا کہ ہمارے ہاں کھلاڑیوں کو وہ سہولیات نہیں مل رہی ہیں جو کہ بیروں ممالک میں کھلاڑیوں کو مل رہی ہیں۔ ایک سوال کے جواب میں انہوں نے کہا کہ ہمارے ہاں کھیلوں کا کوئی خاص بنیادی ڈھانچہ موجود نہیں ہے اور حکومت کو چاہئے کہ ملک میں کھیلوں کے نظام کو بہتر بنانے کے لئے کوئی ٹھوس اقدامات کرے ۔ انہوں نے کہا کہ وہ لاہور، میرپور اور ترکی میں اسوا فٹ بال اکیڈمی کی نمائندگی کر چکے ہیں۔