ہرڈک پانڈیا نے ٹی وی شو میں فحش بیان بازی پر بھارتی کرکٹ بورڈ سے معذرت کرلی

  جمعرات‬‮ 10 جنوری‬‮ 2019  |  13:10
ممبئی(آئی این پی)ٹی وی ٹاک شو میں نسل پرستانہ اور فحش بیان بازی، بھارتی کرکٹ بورڈ نے ہرڈک پانڈیا اور لوکیش راہول کو شوکاز نوٹسز جاری کر دیئے۔ بھارتی کرکٹ بورڈ نے ٹی وی ٹاک شو کے دوران نسل پرستانہ اور فحش بیان بازی کرنے پر کرکٹرز ہرڈک پانڈیا اور لوکیش راہول کو شوکاز نوٹسز جاری کرتے ہوئے وضاحت طلب کی۔بھارتی کھلاڑیوں نے ٹی وی ٹاک شو کافی ود کرن میں شرکت کی تھی جہاں پر دونوں نے سوال جواب کے سیشن کے دوران نسل پرستانہ اور فحش گفتگو کی۔سوشل میڈیا میں بھی دونوں کھلاڑیوں کی بیان بازی کو کڑی تنقید کا نشانہ بنایا گیا جس کے بعد بی سی سی آئی کمیٹی آف ایڈمنسٹریٹرز کے چیئرمین ونود رائے نے فوری طور پردونوں کھلاڑیوں کوشوکازنوٹسزجاری کرتے ہوئے 24 گھنٹوں میں وضاحت طلب کرلی۔بھارتی آل رانڈر پانڈیا نے ٹویٹر پر اپنے پیغام میں کہا کہ میری وجہ سے کسی کی دل آزاری ہوئی ہو تو دل سے معذرت خواہ ہوں، میرا مقصد کسی کی توہین کرنا یا کسی کے جذبات کو مجروح کرنا نہیں تھا۔

موضوعات:

loading...