میلبور ن (این این آئی)آسٹریلوی کوچ جسٹن لینگر نے بھارت کے خلاف شیڈول باکسنگ ڈے کرکٹ ٹیسٹ میچ میں پیٹر ہینڈز کامب کی جگہ مچل مارش کو پلیئنگ الیون میں شامل کئے جانے امکان ہے۔ آسٹریلیا نے ابتدائی دونوں ٹیسٹ میچز میں ہینڈز کامب کو مچل مارش پر فوقیت دی لیکن وہ دونوں میچز میں سلیکٹرز کی توقعات پر پورا اترنے میں ناکام رہے۔ آسٹریلیا اور بھارت کے درمیان
تیسرا ٹیسٹ (آج) بدھ سے شروع ہو گا اور دونوں ٹیموں کے درمیان چار میچوں کی سیریز 1-1 سے برابر ہے۔ آسٹریلوی کوچ نے اپنے بیان میں کہا کہ ٹیم کو متوازن کرنے کیلئے باؤلنگ آل راؤنڈر ہونے کی وجہ سے ہم مچل مارش کو باکسنگ ڈے ٹیسٹ میں کھیلانے پر غور کر رہے ہیں، ان کا تجربہ بھی زیادہ ہے، امید ہے کہ وہ گیند اور بلے کے ساتھ عمدہ پرفارم کر کے ٹیم کو فتح دلانے میں اہم کردار ادا کریں گے، پیٹر ہینڈز کامب اور مچل مارش دونوں باصلاحیت کھلاڑی ہیں، دونوں سپنرز کو اچھا کھیلتے ہیں اسلئے ہمارے لئے فیصلہ کرنا مشکل ہے تاہم ٹیم کے بہتر مفاد میں سخت فیصلہ کرنا ہو گا۔
