لندن(آئی این پی)شہرہ آفاق سوئس سٹار اور ریکارڈ 20 مرتبہ کے گرینڈ سلام چیمپئن راجر فیڈرر اپنی عمدہ کارکردگی کی بدولت پندرھویں مرتبہ اے ٹی پی فائنلز ٹینس ٹورنامنٹ کے سیمی فائنل میں پہنچ گئے ۔ انہوں نے جنوبی افریقہ کے کیون اینڈرسن کو شکست دیکر ایونٹ کا سیمی فائنل کھیلنے کا اعزاز حاصل کیا۔سوئس سٹار کو اے ٹی پی فائنلز ٹینس ٹورنامنٹ کے پہلے میچ میں جاپانی کھلاڑی کائی
نیشکوری کے ہاتھوں اپ سیٹ شکست کا سامنا کرنا پڑا تھا۔تفصیلات کے مطابق لندن میں جاری ایونٹ میں کھیلے گئے میچ میں فیڈرر نے عمدہ کارکردگی کا مظاہرہ کرتے ہوئے حریف جنوبی افریکن کھلاڑی کیون اینڈرسن کو سٹریٹ سیٹس میں 6-4 اور 6-3 سے ہرا کر کامیابی سمیٹی، اس بڑی کامیابی کے بعد چھ مرتبہ کے چیمپئن فیڈرر نے پندرھویں مرتبہ ایونٹ کا سیمی فائنل کھیلنے کا اعزاز حاصل کرلیا۔
