لندن(آئی این پی)کرکٹ ورلڈ کپ آرگنائزرز نے ٹکٹنگ پارٹنر ٹکٹ ماسٹر کی غلطی پر مداحوں سے معذرت کر لی، ٹکٹ ماسٹر نے 9 نومبر کو ٹائٹلڈ کرکٹ ورلڈ کپ 2019 کے نام سے ای میلز بھیجی تھیں جس میں ہزاروں شائقین کو بیلٹ میں ٹکٹیں ملنے کی خوشخبری سنائی گئی تھی۔ہفتے کو کرکٹ ورلڈ کپ آرگنائزرز کی طرف سے جاری کردہ بیان کے مطابق آئندہ برس شیڈول آئی سی سی ون ڈے ورلڈ کپ ٹکٹوں کے حوالے سے ہزاروں شائقین کو غلطی سے بیلٹ میں ٹکٹیں ملنے کیلئے ای میلز بھیجی گئیں، ٹکٹ ماسٹر

کسی بھی متاثرہ صارف سے براہ راست رابطہ کرے گا۔آرگنائزرز نے کہا کہ ہمیں ورلڈ کپ ٹکٹوں کیلئے ہمیں 2.7 ملین درخواستیں موصول ہوئی ہیں جن میں سے اب تک 4 لاکھ 50 ہزار ٹکٹیں فروخت ہو چکی ہیں جبکہ ابھی بھی 8 لاکھ ٹکٹیں باقی ہیں۔ واضح رہے کہ ورلڈ کپ 30 مئی سے 14 جولائی تک انگلینڈ میں کھیلا جائے گا جس میں آسٹریلوی ٹیم ٹائٹل کا دفاع کرے گی۔ آسٹریلیا نے 2015 میں منعقدہ ورلڈ کپ فائنل میں نیوزی لینڈ کو ہرا کر ریکارڈ پانچویں مرتبہ عالمی ٹائٹل جیتنے کا اعزاز حاصل کیا تھا۔