اسلام آباد (سپورٹس ڈیسک)انگلش کاؤنٹی کلب سمر سیٹ اور کیوی آل راؤنڈر کورے اینڈرسن سے معاہدہ طے پاگیا ۔ سمرسیٹ ڈائریکٹر آف کرکٹ اینڈی ہری نے اپنے بیان میں کہا کہ اینڈرسن ورلڈ کلاس آل راؤنڈر ہیں، ان کے ساتھ دوبارہ معاہدہ کرنے سے ہماری بیٹنگ و باؤلنگ مزید مضبوط ہو گئی ہے، امید ہے کہ وہ اپنے انٹرنیشنل تجربے سے بھرپور فائدہ اٹھاتے ہوئے ٹیم کو فتوحات دلانے میں اہم کردار

ادا کریں گے۔یاد رہے کہ اینڈرسن کو 13 ٹیسٹ، 49 ایک روزہ اور 29 ٹی ٹونٹی میچز میں ملک کی نمائندگی کا اعزاز حاصل ہے۔ اینڈرسن نے یکم جنوری 2014ء کو کالی آندھی کے خلاف میچ میں 36 گیندوں پر تیز ترین سنچری بنا کر عالمی ریکارڈ قائم کیا تھا تاہم ایک سال بعد جنوبی افریقن بلے باز اے بی ڈی ویلیئرز نے 31 گیندوں پر تیز ترین سنچری بنا کر ان سے عالمی ریکارڈ چھین لیا تھا۔

موضوعات:کورے اینڈرسن