لندن (سپورٹس ڈیسک)بھارت اور انگلینڈ کی کرکٹ ٹیموں کے درمیان پانچ ٹیسٹ میچوں پر مشتمل سیریز کا پانچواں اور آخری ٹیسٹ میچ(آج) 7 ستمبرسے11 ستمبر تک لندن میں کھیلا جائیگا جبکہ میزبان انگلینڈ کو بھارت کے خلاف پانچ میچوں کی سیریز میں 3-1 کی فیصلہ کن برتری حاصل ہے۔ تفصیلات کے مطابق بھارت اور انگلینڈ کے درمیان پانچ ٹیسٹ میچوں پر مشتمل سیریز کا پانچواں اور آخری ٹیسٹ میچ 7 سے11 ستمبر تک لندن میں کھیلا جائیگا یاد رہے کہ میزبان انگلینڈ کو بھارت کے خلاف پانچ میچوں کی سیریز میں 3-1 کی فیصلہ کن برتری حاصل ہے۔انگلینڈ نے بھارتی ٹیم کو
چوتھے میچ میں 60 رنز سے شکست دیکر نہ صرف میچ میں کامیابی حاصل کی بلکہ پانچ میچوں کی سیریز میں بھی 3-1 کی فیصلہ کن برتری حاصل کرلی۔ اس سے قبل بھارت نے کم کرتے ہوئے میزبان ٹیم کو تیسرے ٹیسٹ میچ میں انگلینڈ کو 203 رنز سے شکست دی تھی۔ دوسری جانب پانچواں ٹیسٹ سیریز کا آخری ہونے کے ساتھ ایلسٹر کک کے ٹیسٹ کیریئر کا بھی آخری ٹیسٹ میچ ہوگا۔ ایلسٹر کک نے پہلے ہی اعلان کر رکھا ہے کہ بھارت کے خلاف ٹیسٹ سیریز کا پانچواں اور آخری ٹیسٹ میچ ان کے کیریئر کا بھی آخری ہوگا، اس کے بعد وہ ٹیسٹ میچز کیلئے اپنی ٹیم کا حصہ نہیں ہوں گے۔
