سڈنی (سپورٹس ڈیسک)آسٹریلیا کی کرکٹ ٹیم کے کپتان ٹم پین نے کہا ہے کہ وہ پاکستان کے خلاف سیریز میں مثبت حکمت عملی اختیار کریں گے اور دورہ میں ٹیم آسٹریلیا نئے روپ میں دکھائی دے گی۔میڈیا رپورٹ کے مطابق ٹم پین نے کہا کہ آسٹریلیا کی نمائندگی کرنا ان کیلئے ایک بہت بڑا اعزاز ہے۔ انہوں نے کہا کہ پاکستان کے خلاف آسٹریلین ٹیم ویسی نظر آئیگی جس کے لئے
جانی جاتی ہے۔دونوں ممالک کے درمیان کرکٹ سیریز 29 ستمبر سے 28 اکتوبر تک دبئی میں کھیلی جائے گی۔واضح رہے کہ بال ٹیمپرنگ ایشو کی وجہ سے آسٹریلین کرکٹرز کو کڑی تنقید کا نشانہ بنایا گیا تھا اور اس معاملے میں ان کے تین کھلاڑی اسٹیون اسمتھ، ڈیوڈ وارنر اور بین کرافٹ معطل ہیں ٗاس صورتحال کے بعد کرکٹ آسٹریلیا نے اپنے کھلاڑیوں کیلئے نیا چارٹر تیار کیا ۔
