اسلام آباد (مانیٹرنگ ڈیسک) تحریک انصاف کی حکومت آنے کے بعد یہ قیاس آرائیاں جاری تھیں کہ اب پاکستان کرکٹ بورڈ کے چیئرمین کو تبدیل کر دیا جائے گا اور وزیراعظم کی حلف برداری تقریب کے بعد سابق کھلاڑیوں کی عمران خان سے ملاقات میں پی سی بی کے چیئرمین کے لیے احسان مانی
کا نام سامنے آیا تھا۔ پاکستان کرکٹ بورڈ کے چیئرمین نجم سیٹھی نے اپنے عہدے سے استعفیٰ دے دیا ہے، سماجی رابطے کی ویب سائٹ پر اپنے پیغام میں انہوں نے پاکستان کرکٹ بورڈ کے لیے نیک خواہشات کا اظہار کیا، نجم سیٹھی نے کہا کہ نئے وزیراعظم کے حلف لینے کا انتظار کر رہا تھا۔
