اسلام آباد (آئی این پی ) منتخب وزیر اعظم عمران خان کے کرکٹ ورلڈ کپ 1992 کے ایک ساتھی اور کرکٹ ٹیم کے مشہور اوپنر عامر سہیل کو وزیر اعظم عمران خان کی تقریب حلف برداری میں شرکت کا دعوت نامہ موصول نہیں ہوا اور اس حوالے سے معلوم ہوا ہے کہ اس کرکٹ ٹیم کے یہ واحد کھلاڑی ہیں جنہیں تقریب حلف برداری میں شرکت کا دعوت نامہ نہیں بھجوایا گیا ۔ نجی ٹی سماء کی

رپورٹ کے مطابق دیگر تمام کھلاڑیوں کو دعوت نامے جا چکے ہیں اور وہ تقریب میں شرکت کے لئے اسلام آباد پہنچ گئے ہیں ان میں رمیز راجہ ، وسیم اکرم ، مشتاق محمد ، معین خان اور دیگر کھلاڑی شامل ہیں تاہم لاہور سے تعلق رکھنے والے کرکٹ ٹیم کے مشہور اوپنر اور سابق کپتان عامر سہیل کو دعوت نامہ نہیں بھجوایا گیا اور نہ ہی دعوت نامہ نہ بھجوانے کی کوئی وجہ بیان کی گئی ہے ۔

موضوعات:عامر سہیل