لاہور ( آن لائن ) شعیب اختر نے پی ایس ایل کے موجودہ سیزن کو پاکستان کرکٹ کیلئے مایوس کن قرار دے دیا ہے۔ تفصیلات کے مطابق پاکستان سپر لیگ کا تیسرا ایڈیشن اپنے اختتامی مرحلے میں داخل ہوگیا ہے۔ لاہور میں ایلیمینیٹرز مرحلے کا آغاز بھی ہوگیا ہے۔ پی ایس ایل کے حوالے سے ماہرین کرکٹ نے کافی مثبت رائے دیتے ہوئے اسے کامیاب ٹورنامنٹ قرار دیا ہے۔تاہم پاکستان کے سابق اسپیڈ اسٹار شعیب اختر نے پی ایس ایل کے

موجودہ سیزن کو پاکستان کرکٹ کیلئے مایوس کن قرار دے دیا ہے۔ شعیب اختر کا کہنا ہے کہ پی ایس ایل سے اب تک پاکستان کیلئے کوئی اچھا بلے باز نکل کر سامنے نہیں آیا۔ یہ بات ان کی رائے تشویش ناک ہے۔ پی ایس ایل کا یہ تیسرا سیزن ہے تاہم اب تک اس ٹورنامنٹ کی بدولت پاکستان کو کوئی اچھا بلے باز نہیں مل سکا۔