لاہور(مانیٹرنگ ڈیسک) پاکستان سپرلیگ میں اسلام آباد یونائٹڈ کے ہیڈ کوچ ڈین جونز کی ریڈ بک معمہ بنی ہوئی ہے اور اس کا سوشل میڈیا پر بھی چرچہ ہو رہا ہے۔سابق آسٹریلوی کرکٹراس بک کوہروقت اپنے ساتھ رکھتے ہیں اور اگر کوئی ان کی کتاب کو چھونا چاہے تو ڈین جونز کو یہ ناگوار گزرتا ہے۔کھلاڑی بھی لاعلم ہیں کہ آخر کار اس بک میں ایسا کیا ہے ۔فاسٹ بالر رومان رئیس کا کہنا ہے کہ میں نے بھی نہیں دیکھا کہ اس

کتاب میں ایسا کیا ہے، ڈین جونز کتاب کو اتنی حفاظت سے رکھتے ہیں کہ اسے کوئی دیکھ بھی نہیں سکتا۔اہم بات یہ ہے کہ اسلام آباد یونائیٹڈ کے میچز کے دوران اننگ بریک آنر پے یہ کتاب کھول کر ڈین جونز کھلاڑیوں کو ہدایت دیتے ہیں۔کپتان مصباح الحق کچھ کچھ جانتے ہیں اور انہوں نے پوچھنے پر جواب دیا کہ اعدادو شمار، کس بالر کا کیا اسٹرائیک ریٹ ہے، کیا ایوریج ہے ہم توجہ نہیں دیتے لیکن اس کتاب میں سب کچھ ہے۔

موضوعات:ڈین جونز